Докторанттарды қабылдау ережесінен үзінді және докторанттарға берілетін мүмкіндіктер

           Докторантура бағдарламасына «магистр» дәрежесі және кемінде 9 (тоғыз) ай жұмыс өтілі бар немесе медициналық мамандықтар бойынша резидентурада оқуын аяқтаған адамдар өтініш бере алады.

           Өтініштерді қабылдау мерзімі 2021 жылғы 3 шілдеден 3 тамыз аралығында өңірлік тестілеу орталықтарында түсу емтиханын тапсыру үшін Ұлттық тестілеу орталығының (ҰТО) сайтында тіркеледі. Денсаулық сақтау ведомстволық бағынысты ЖОО-ға түсушілер өздерінің жоғары оқу орындарының базасында түсу емтихандарын тапсырады.

           Докторантураға қабылдау білім беру бағдарламаларының топтары бойынша түсу емтихандарының нәтижелері бойынша және шет тілін меңгергенін растайтын (IELTS 5.5,  TOEFL ITP 543 балл, TOEFL IBT 60 балл, TOEFL PBT 498 балл) халықаралық сертификаттарды ұсыну арқылы жүзеге асады.

           Түсу емтихандары 2021 жылғы 4-20 тамыз аралығында өңірлік тестілеу орталықтарында өтеді.

           Докторантураға түсу емтиханы эссе жазудан, докторантурада оқуға дайындыққа тест тапсырудан және білім беру бағдарламалары тобының бейіні бойынша емтиханнан тұрады.

           Медицина мамандығы бойынша докторантураға қабылдау екі кезеңмен жүргізіледі, алдын ала іріктеу және түсу емтихандары. Алдын ала іріктеу докторантураға түсушілерді түсу емтихандары басталғанға дейін, күнтізбелік жылғы 1 ақпаннан 31 мамырға дейін жүргізіледі.